MODA     31.10.2017.

Ponovo aktuelne: asimetrične haljine

Prije nekoliko godina jedan od najvećih trendova bile su suknje i haljine asimetričnog kroja. Naprijed kratke, iza dugačke: nije bilo dame koja ih nije imala u svojem ormaru. Ali, kako su brzo došle, tako su brzo i prošle. Asimetrične haljine na velika vrata su se vratila ovog ljeta, ali se trend nastavio i u zimskim mjesecima. Ukoliko pogledate modne blogove i sajtove, naići ćete na fotografije djevojaka u asimetričnim haljinama. Ove sezone kolekcije poznatih dizajnera, ali i high street brendova ističu ovaj asimetrični trend. Asimetrične linije su donijele osvježavajuću razigranost i moderan izgled svakom modelu. Ove haljine čine da izgledamo fantastično. Ona je kratka, ali je i dovoljno duga, prati obline vašeg tijela, igrajući se i prikrivajući nedostatke. Visoki prorez produžava noge, a ovu svestranu haljinu možete nositi gotovo svuda. Savršena je za izlaske, vikend šetnje po gradu, ide odlično sa majicama, patikama, čizmama i visokim potpeticama. Njena svestranost i način na koji ističe ženske atribute, a siluetu čini vitkom i ženstvenom dovoljni su razlozi da ona ostane u vrhu trendova i tokom zimskih mjeseci.

 

Haljina: Still Couture

Jakna i ruksak: iBlues

Naočare: Gucci, Optika „Optotim“

Frizura i šminka: Vlado Beauty Bar

Fotografija: Nikola Radović

Ukoliko ne želiš da propustiš novosti, prijavi se na naš newsletter!
PROČITAJ JOŠ